A décima edición do ‘Estrelas no Camiño de Santiago’ estreará a iniciativa ‘Bocado Solidario’ con 60 locais participantes
Casa Barqueiro presenta un ano máis o evento gastronómico solidario, ‘Estrelas no Camiño de Santiago’, que contará coa participación de preto de 40 cociñeiros e cociñeiras de distintos puntos de España que suman máis de 80 Estrelas Michelin.
Beneficios a Síndrome X Fráxil
O evento central de Estrelas no Camiño de Santiago o terá lugar o luns 10 de xuño na Finca Casa Barqueiro en Gonte. Alí está previsto a celebración dunha feira de gastronomía e viño da que desfrutarán tantos os chefs convidados coma o asistentes. Posteriormente terá lugar unha cea, tipo cóctel e de estacións gastronómicas con showcooking na que non faltará a animación e a música.
A edición deste ano de Estrelas no Camiño de Santiago reunirá a varios dos mellores chefs de España que se unirán para homenaxear a excelencia da gastronomía galega. Nesta décima edición, os beneficios irán destinados por segunda vez á Asociación Galega Síndrome X Fráxil e como cada ano, está previsto percorrer un tramo do camiño de Santiago, levar aos chefs ao Mercado de Abastos e visitar o Monte do Gozo.
Os cociñeiros que participarán este ano na inciativa son Martín Berasategui, Marcos Granda, Jordi Cruz, Enejo Atxa, Jesús Sánchez, Ángel León, Helena Arzak, Hermanos Torres, Paolo Casagrande, Joan Roca, Toño Pérez ou David Muñoz. Tamén participarán Paco Roncero, Pablo González, Nacho Manzano, Pepe Vieira, Javier Olleros, Fran Martínez, Rui Paula, Ramón Freixa, Paulo Airaudo, Ivan Cerdeño, Diego Guerrero, Manuel Costiña ou Marcelo Tejedor. Completan a listaxe Lucía Freitas, Miguel González, Óscar Vidal, Pepe Solla, Begoña Rodrigo, Hugo Muñoz, Juan Carlos Caro, Arnaldo Azevedo, Iñaki Aldrey, Valeiro Carrera, David de Jorge, Igor Zalakain.
O evento gastronómico solidario será na Finca Casa Barqueiro en Gonte, Negreira, o luns 10 de xuño, onde se presentarán novidades en produtos gastronómicos e enolóxicos na feira que os asistentes poderán gozar dun menú tipo cóctel e de estacións gastronómicas con showcooking nunha tarde de música e animación. As persoas interesadas en acudir poden adquirir as súas entradas e obter información en www.estrelasnocamino.es
Bocado Solidario
Este ano, como novidade da man de Estrella Galicia, activaráse dende o 23 ao 26 de maio a iniciativa ‘Bocado Solidario’, en colaboración cos establecementos das cinco asociacións de cociñeiros de Galicia. Para iso, os 60 locais participantes escollerán calquera tapa, prato ou menú e mesmo poden inventarse novas creacións que se identificarán como Bocado Solidario acompañado con Estrella Galicia Especial. A consumición deste Bocado Solidario conleva unha doazón en favor da causa apoiada polo evento Estrelas Solidarias no Camiño de Santiago: a Asociación Galega Síndrome X Fráxil, e faráse a entrega do recadado na inauguración prevista en MEGA, o Museo de Estrella Galicia, o domingo 9 de xuño.
Os locais participantes son: