Bo día, bolboreteirxs. Como vai a semana? Nós estamos moi ben, preparando unha viaxe moi especial que faremos a próxima semana 🤭! Hoxe traémosvos unha receita deliciosa e moi moi vistosa. O outro día vímola por Instagram e decidimos adaptala segundo os nosos gustos e os ingredientes que tiñamos na casa. É que sorpresa cando a probamos, vai ser un prato recurrente no noso menú e unha nova forma de comer berenxenas, unha verdura que nos encanta. Aquí vai a receita:
Pastel invertido de berenxena
Ingredientes:
Utensilios: un molde apto para o forno, papel vexetal e unha táboa e un coitelo.
Elaboración:
Para comezarmos, temos de colocar un papel vexetal sobre o molde (para que sexa máis fácil desmoldar) e botamos as culleradas de curry, mel e AOVE e esparcimos ben por toda a superficie.
Despois, colocamos as berenxenas, cortadas en láminas, pistachos troceados e o queixo, tamén en faragullas.
Tapamos cos masa crebada e metemos ben os bordos para que despois quede máis vistosa.
Picamos a masa cun garfo e enfornamos a 200°, calor arriba e abaixo, durante 25-30 minutos.
Desmoldamos e servimos! E xa estaría lista para comer! Agardamos que vos guste e que a poñades en práctica.
Asegurámosvos que é unha receita deliciosa, e adictiva! Fixémola onte para cear e xa andamos pensando cando a imos volver facer 🤭🤭!
Ademais, como vedes, é moi fácil e podédela adaptar segundo os vosos gustos: con cabaciña, améndoas, abelás… ou incluso engadindo espárragos ou tomate! De todas formas, é un prato riquísimo, saudábel, e moi sinxela de preparar, polo que oxalá vos guste.
Lémonos! Apera forte, bolboreteirxs 🥰❣️
Ningún comentario:
Publicar un comentario